स्पर्धा परीक्षा सराव पेपर – 41

चीन देशाकडे “पॉली डब्ल्यूबी-1” या नावाचे ‘मायक्रोवेव्ह’ शस्त्र आहे. तर अमेरिकाकडे ‘अॅक्टिव डिनायल सिस्टम’ या नावाचे ‘मायक्रोवेव्ह’ शस्त्र आहे. ते एक विद्युत-चुंबकीय शस्त्र आहे, जे तीव्र स्वरूपाचे केंद्रित लेझर, ध्वनि किंवा मायक्रोवेव्ह तरंग सोडतात.

मत्स्यपालन मंत्रालयाच्या अखत्यारीत असलेल्या राष्ट्रीय मत्स्यपालन विकास मंडळाच्यावतीने आसाम राज्याला मत्स्यव्यवसाय क्षेत्रात चार पुरस्कार मिळाले. राज्याला मत्स्यव्यवसाय क्षेत्रातल्या प्रगतीसाठी डोंगराळ आणि ईशान्येकडील राज्य या श्रेणीत सर्वोत्कृष्ट राज्याचा पुरस्कार मिळाला. ओडिशा राज्याला समुद्री राज्य श्रेणीत सर्वोत्कृष्ट राज्याचा पुरस्कार मिळाला. उत्तरप्रदेशाला इनलँड राज्य श्रेणीत सर्वोत्कृष्ट राज्याचा पुरस्कार मिळाला.

TRACE इंटरनॅशनल संस्थेकडून लाचखोरी जोखीमसंबंधी जागतिक यादी तयार केली आहे. ‘TRACE ब्रायबरी रिस्क मॅट्रिक्स 2020’ याच्या यादीत 45 गुणांसह भारताचा 77 वा क्रमांक आहे. उत्तर कोरिया हा सर्वाधिक वाणिज्यिक लाचखोरीचा धोका असलेला देश आहे. तर डेन्मार्क हा सर्वात कमी वाणिज्यिक लाचखोरीचा धोका असलेला देश ठरला आहे त्यापाठोपाठ नॉर्वे, फिनलँड, स्वीडन, न्यूझीलंड या देशांमध्ये देखील वाणिज्यिक लाचखोरी कमी चालते.

मैया सांडू या मोल्दोवा देशाच्या प्रथम महिला राष्ट्रपती आहे. त्यांनी 2020 सालाची राष्ट्रपतीपदाची निवडणूक जिंकली.

भारताचे केंद्रीय शिक्षणमंत्री रमेश पोखरियाल ‘निशंक’ यांना त्यांच्या लेखन, कविता आणि इतर साहित्यिक कामांसाठी लंडनच्या वातायन-यूके संस्थेच्यावतीने ‘वातायन जीवनगौरव पुरस्कार 2020’ देवून सन्मानित केले जाणार आहे.

अन्नप्रक्रिया उद्योग मंत्रालय ‘प्रधान मंत्री फॉर्मलायझेशन ऑफ मायक्रो फूड प्रोसेसिंग एंटरप्राईजेस (PM-FME)’ योजनेची अंमलबजावणी करीत आहे. योजनेच्या अंतर्गत क्षमता निर्मिती कार्यक्रमाला 18 नोव्हेंबर 2020 पासून सुरुवात झाली.

अन्नप्रक्रिया मंत्रालयाने भारताचा ‘GIS एक जिल्हा एक उत्पादन (ODOP)’ डिजिटल नकाशा तयार केला आहे. हा नकाशा सर्व भागधारकांना उत्पादनांविषयी तपशीलवार माहिती उपलब्ध करून देतो.