MPSC Current Affairs Quiz | 7 April 2021 (चालू घडामोडी प्रश्नोत्तरे)

संरक्षण संशोधन व विकास संस्थेने (DRDO) शत्रूच्या क्षेपणास्त्र हल्ल्यापासून नौदलाच्या जहाजांचे रक्षण करणारे प्रगत चॅफ / शाफ (Chaff) तंत्रज्ञान विकसित केले आहे. शत्रूच्या रडार आणि रेडीओ फ्रिक्वेन्सी क्षेपणास्त्र यापासून नौदलाच्या जहाजांचे संरक्षण करण्यासाठी चॅफ तंत्रज्ञानाचा जगभरात वापर केला जातो. शत्रूच्या क्षेपणास्त्राची दिशा विचलित करून त्यापासून जहाजांचे रक्षण करण्यासाठी हवेत तैनात केलेली अतिशय कमी तीव्रतेची चॅफ सामग्री काम करते.

केंद्रीय आरोग्य आणि कुटुंब कल्याणमंत्री डॉ. हर्ष वर्धन यांनी “दुर्मिळ आजारविषयक राष्ट्रीय धोरण 2021” याला मान्यता दिली, ज्याचा दुर्मिळ आजारांवरील उपचारांचा खर्च कमी करणे आणि एक निमंत्रक म्हणून आरोग्य व कुटुंब कल्याण मंत्रालयातील आरोग्य संशोधन विभाग याच्या सोबत स्थापन करण्यात येणाऱ्या एका राष्ट्रीय संस्थेच्या मदतीने स्वदेशी संशोधनावर भर देणे हा प्रमुख उद्देश आहे.

भारत सरकारच्या केंद्रीय गृह मंत्रालयाच्या अधिपत्याखाली ‘राष्ट्रीय आपत्ती प्रतिसाद दल’ (NDRF) कार्य करते. ‘आपत्ती व्यवस्थापन अधिनियम, 2005’ अन्वये धोकादायक संकटे किंवा आपत्तीला विशेष प्रतिसाद देण्यासाठी बनवलेले हे एक भारतीय विशेष दल आहे.

5 एप्रिल 2021 रोजी बंदरे, नौवहन आणि जलमार्ग मंत्रालयाने 58 वा राष्ट्रीय सागरी दिन साजरा केला. यावर्षी भारत सरकारच्या आत्मनिर्भर भारत या योजनेशी साधर्म्य साधणारी, “कोविड-19च्या पुढे शाश्वत नौवहन” ही राष्ट्रीय सागरी दिनाची संकल्पना होती.

जम्मू व काश्मीरला उर्वरित भारताशी जोडणार्‍या 111 किलोमीटर लांबीच्या रेलमार्गादरम्यान जगातला सर्वात उंच रेल्वे पूल ‘चिनाब’ नदीवर बांधण्यात येत आहे. त्याला ‘आर्च ऑफ चिनाब ब्रिज’ असे नाव देण्यात आले आहे. हा पूल चीनमधील बिपान नदीवरील शुईबई रेल्वे पुलाचा (275 मी) विक्रम मोडणार. काश्मीरच्या चिनाब नदीवर 359 मीटर (जवळजवळ 1177 फुट) एवढ्या उंचीवर हा रेल्वे पूल बांधण्यात येत आहे, जो पॅरिसच्या आयफेल टॉवरच्या उंचीपेक्षा 35 मीटर अधिक उंचीवर आहे. उधमपूर-श्रीनगर-बारमुल्ला रेलमार्गाचा हा एक महत्त्वाचा भाग आहे.

डॉ चिंतन वैष्णव हे नीती आयोगाच्या अटल इनोव्हेशन मिशन (AIM) याचे नवीन मिशन संचालक आहेत.

मुखमीत एस. भाटिया हे कर्मचारी राज्य विमा महामंडळ (ESIC) याचे नवीन महासंचालक आहेत. 01 एप्रिल 2021 रोजी त्यांनी पदाचा कार्यभार स्वीकारला.

रशियाच्या शास्त्रज्ञांनी देशातील बायकल तलावात “बायकल-GVD (गीगाटन व्हॉल्यूम डिटेक्टर)” या नावाची पाण्याखालील जगातील सर्वात मोठी न्युट्रिनो दुर्बिण स्थापन केली. न्युट्रिनो नामक मूलभूत कणांचा अभ्यास करण्यासाठी याची स्थापना करण्यात आली आहे.

बांगलादेशाच्या स्वातंत्र्य सैनिकांच्या 2000 वंशजांसाठी भारत सरकारच्यावतीने ‘मुक्तिजोद्धा शिष्यवृत्ती योजना’ जाहीर करण्यात आली आहे. नव्या योजनेच्या अंतर्गत बांगलादेशातील येत्या वर्षांसाठी 10,000 विद्यार्थ्यांना शिष्यवृत्ती दिली जाणार आहे.

अनिल देशमुख यांच्या राजीनाम्यानंतर राष्ट्रवादी कॉंग्रेसचे ज्येष्ठ नेते दिलीप वळसे पाटील यांना महाराष्ट्राच्या गृह मंत्रालयाची जबाबदारी सोपविण्यात आली आहे. यापूर्वी त्यांच्याकडे कामगार व उत्पादन शुल्क विभागाची जबाबदारी होती.